ل ڕۆژا سێشه‌مبێ ڕێكه‌ڤتى 28/09/2021 ستافه‌كێ ماموستایێن پشكا زمانێ توركى ل زانكۆیا زاخۆ كو پێكهاتبوون ژ  ماموستا (جمعه‌ قادر) بریارده‌رێ پشكێ و دكتۆر (هاشم جاسم محمد) پشكدارى د پرۆگرامه‌كێ دا كرن لژێر ناڤونیشانێ (پەرەپێدانا پروگرامیێن پەروەردە و فێركرن بۆ ماموستایێن زمانێ توركى ل عیراقێ) كو هاتبوو ڕێكخستن ژلایێ په‌یمانگه‌ها یونس ئێمره‌ Yunus Emre یا نیڤده‌وله‌تى ل باژێرێ ئیسته‌نبوول برێڤه‌چوو.

د ئه‌ڤى پرۆگرامیدا هه‌مى پشكێن زمانێ توركى ل چه‌ندین زانكۆیێن عیراقێ هاتبوونه‌ داخواز كرن، هه‌روه‌سا چه‌ندین سمینار و به‌رنامه‌یێن جودا جودا هاتنه‌ دان لسه‌ر ته‌وه‌رێن گرێداى ب پشكا زمانێ توركیڤه‌، گه‌نگه‌شه‌ و دانوستاندن هاتنه‌ كرن لسه‌ر ئه‌وان تشتێن دهاتنه‌ باسكرن.

هه‌ژییه‌ بێژین، كو ستاڤێ پشكا زمانێ توركى زانكۆیا زاخۆ پشكدارییه‌كا كارا هه‌بوو د به‌رنامه‌یدا و تشتێ هه‌ره‌ گرنگ كو ئه‌و بوو ناڤێ زانكۆیا زاخۆ هاته‌ تۆماركرن د ناڤ په‌یمانگه‌ها (یونس ئێمره‌) دا، ئه‌ڤه‌ ژى بۆ وێ چه‌ندێ باشه‌ پویته‌ و گرنگى پتر دێ ب زانكۆیا زاخۆ هێته‌ دان به‌رنامه‌یێن تایبه‌ت دێ هێنه‌ جبَبه‌جێكرن بۆ قوتابى و ماموستایێن وێ. ئه‌ڤ پرۆگرامه‌ بۆ ماوه‌یێ حه‌فتیه‌كێ به‌رده‌وام بوو و چه‌ندین تشتێن گرنگ هاتنه‌ باسێ لئاینده‌یه‌كێ نێزیك دێ مفاى گه‌هیننه‌ قوتابى و پشكا زمانێ توركى. 

ل دوماهیكێ  باوه‌رنامه‌ لسه‌ر پشكداربوویان هاتنه‌ دابه‌شكرن و گه‌شته‌ك هاته‌ رێكخستن بۆ چه‌ندین جهێن مێژووى و كلتورى و گه‌شتیارى