ڕۆژا سێشەمبی ڕێککەفتی (٢٠٢٢/١١/٢٩) سەنتەرێ زاخۆ بۆ ڤەکۆلینێن کوردی ل زانکۆیا زاخۆ، ب سپۆنسەرییا ئیدارا سەربەخۆیا زاخۆ، ڕێورەسمێن مەزنترین پرۆژەیێ چاپکرنا دیوانێن کلاسیکێن بەهدینان، کۆ ژ (٣٦) دیوانێن هەلبەستان پێکهاتبوون گێرا.
ڕێورەسم ب ئامادەبوونا سەرۆکێ زانکۆیا زاخۆ (د. ناظم سليمان عبدالعزيز ) بەرێز (گوهدار شێخۆ) سەرپەرشتێ ئیدارا سەربەخۆیا زاخۆ، بەرێز (عەلی عەونی) بەرپرسێ لقا (٨) یا پارتی دیموکراتی کوردستان، بەرێز (مشیر محمد) هەرێمدارێ قەزا ناوەندیا زاخۆ، دگەل بەرپرسێن دەڤەرێ و مالباتێن هوزانڤانان و ستافێ زانکۆیێ ژ ماموستا و قوتابیان دەستپێکرن.
د دەستپێکێدا خولەکەک ڕاوەستان بۆ گیانێ پاکێ شەهیدان و بخێرهاتنا مێهڤانان هاتە کرن و پاشان چەندین پەیڤ هاتنە خواندن.
هەژی گوتنێ یە؛ ئەڤ کارێ هندە مەزن بەرهەمێ پێنج ساڵێن بەردەوامێن بێ ڕاوەستانا سەنتەرێ زاخۆ بۆ ڤەکۆلینێن کوردی بوویە، ب تایبەت کەسێ ئێکێ (پ.هـ.د. فاخر حەسەن گوللی) کۆ بەرێزی ب هەمی شیان کارێ کومڤەکرنا ڤان دیوانان ب ستوویێ خۆڤە گرتبوو، ئەڤ بەرهەمێن کەڤن و ل قۆلاچکێن مالاندا ئینایە و ب کوم دگەل ستافەکێ چەلەنگ کارێ نڤیسین و دیزاینا وان کرینە و ل دوماهیێ چاپ و بەڵاڤکرینە.