ڕۆژا ئێکشەمبی ڕێککەفتی (٢٠٢٣/٢/٢٦) ب مەرەما ئەنجامدانا گوهورینان ل کۆلیژێن وەرزشی و د چارچووڤێ وان گورانکاریێن وەزارەتا خواندنا بلند و ڤەکۆلینێن زانستی د پڕۆگرامێن خواندنێ دا کرین، شاندەک ژ زانکۆیا زاخۆ کۆ پێکهاتبوون ژ بەرێزان (پ.هـ.د محمد مهدی محمد) سەرۆکێ پشکا پەروەردا زانستێن جەستەیی و زانستێن وەرزشی و بەرێز (م. صفد مظفر محمد) هاریکارێ ڕاگرێ فەکۆلتیا پەروەردە، پشکداربوون د کومبوونا وەزارەتا خواندنا بلند و ڤەکۆلینێن زانستی ل زانکۆیا (هەلەپچە) ئەوا لژێر ناڤونیشانێ (گوڕانکاری د پرۆگرامێن خواندنێ ل کۆلیژێن وەرزشی ل هەرێما کوردستانێ) هاتیە ڕێکخستن.
ئەڤ کومبوونە ب سەرپەرشتیا (د. توانا نجف) ڕێڤەبەرێ گشتیێ کارگێرێ و دارایی ل وەزارەتا خواندنا بلند و ڤەکۆلینێن زانستی و ب ئامادەبوونا سەرۆکا زانکۆیا هەلەپچە (د.مهاباد کامل عبدللە) و سەرۆک و ڕاگرێن کۆلیژێن وەرزشی ل هەرێما کوردستانێ ل ئاڤاهیێ سەرۆکاتیا زانکۆیا هەلەپچە برێڤەچوو، کومبوون ب مەرەما گورانکاریێ بوو ل کۆلیژێن وەرزشی ل هەرێما کوردستانێ و بەرەڤ پێشڤەبرنا ئاستێ زانستی و جەستەیی ل پشکێن وەرزشی، هەروەسا ئامادەکرنا قوتابیەکێ ئەکادیمی و پڕی زانیاری و ئامادە بوو بازارێ کاری و خزمەتا جڤاکی.