خولەکا ڕاهێنانێ یا پڕۆژێ (APPRAIS) ل زانکۆیا زاخۆ ب دوماهیک هات

Tuesday, 16 May 2023

ڕۆژا ئێکشەمبی ڕێککەفتی (٢٠٢٣/٥/١٥) ب چاڤدێری و ئامادەبوونا بەرێز (د. ناظم سليمان عبدالعزيز) سەرۆکێ زانکۆیا زاخۆ و لیژنا پڕۆژێ (APPRAIS) و پشکدارێن خولا پڕۆژەیی، دوماهیک ب خولا ڕاهێنانێ هات ئەوا هاتیە ڕێکخستن بۆ سەرۆک پشک و ماموستایێن زانکۆیا زاخۆ.
ئەڤ خولە هەر بۆ دەمێ هەیڤەکێ و هەر حەفتی دوو ڕۆژان سمینارێن جورا و جور ل سەر بابەتێن  (بۆڵۆنیا پروسێس، دڵنیا جوری، پلان و ستراتیجیا و ناڤدەولەتیا زانکۆیێ) بۆ پێشڤەبرنا ئاستێ زانستی  و پتر خزمەتکرنا قوتابیان د هاتنە پێشکێشکرن، سمینار ژلایێ بەرێزان (د. دلێر عادل جمیل، د. کاروان فەهمی سامی، د. ڕەنج محمد نوری، د. دلدار حیدر احمد، د. نزار عصمت علی، م. اسلام صالح طه) د هاتنە گوتن، کۆ چەندین بابەتێن گرنگ و گرێدایی پرۆسێسا خواندنێ ل زانکۆیێ و چاوانیا باشترکرنا سیستەمێ خواندنێ و ئەو ڕێکێن سەردەمیانە یێن دبنە ئەگەرێ باشتربوونا ئاستێ قوتابی و ژینگەها وی یا خواندنێ، نێزیکی (٥٨) سەرۆک پشک و ماموستایێن زانکۆیا زاخۆ د ئەڤێ خولێدا پشکدارببوون.
هەژیە بێژین: د پڕۆژێ (APPRAIS) هەشت زانکۆیێن هەرێما کوردستانێ و چەند زانکۆیێن ئەوروپی پشکدارن و هەر جار کۆمبوونێن گرنگ و جودا جودا ل هەرێما کوردستانێ و وەڵاتێن ئەوروپی دهێنە کرن. ئەڤ پڕۆژەیە چەندین بابەتان ب خوەڤە گرێددەت ژ وان، چاوانیا پێشخستنا بۆڵۆنیا ۆروسێس و دڵنیا جوری و پێشخستنا زانکۆیێن ھەرێما کوردستانێ، و ھەروەسا ئەو ئاریشەیێن ل زانکۆیێن ھەرێمێ و چاوا دێ شێین ب باشترین شێوە پێش ئێخین، و بھێزکرنا پەیوەندیان دگەل زانکۆیێن ژدەرڤە و ھەرێمێ