ڕۆژا پێنجشەمبی ڕێکـکـــەفتی (١٩-١٠-٢٠٢٣) ڕێڤەبەریا تەندروستی و سەلامەتی ل زانکۆیا زاخۆ ب هەماهەنگی دگەل ڕێڤەبەریا بەرگری شارستانی ل باژێرێ زاخۆ ڕابوون ب پێشکێشکرنا سمینارەکێ لدور (چاوانیا سەرەدەریکرنێ دگەل ڕوودانێن ئاگربەربوونێ و بکارئینانا ئامیرێن ئاگرڤەمراندنێ ) بۆ فەرمانبەرێن زانکۆیا زاخۆ.
سمینار ژلایێ بەرێز (ئەڤیندار عزەت) ڕێپێدراو ل ڕێڤەبەریا ناڤبری، ب شێوەیێ تیوری و پراکتیکی و ب تێر و تەسەلی باس ل ئەڤان جورە ڕوودانان کر و ل دوماهیێ هاتە نیشاندان کا دێ ب چ شێوەیی سەرەدەریەکا ساخلەم و دویر ژ مەترسیێ دگەل ئاگری هێتە کرن، داکو گیانێ وان یێ پاراستی بیت ژ ئەڤان جورە ڕوودانێن دلتەزین.