ماموستایەکێ زانکۆیا زاخۆ پشکداربوو د کۆرسەکێ هاڤینێ یێ گەشەپێدانا ئەکادیمی

Published Date: Sunday, 3 September 2023, 09:47

بەرێز (م. نێچیرڤان حسن جوزل) ژ زانکۆیا زاخۆ پشکا زمانێ ئینگلیزی ل کۆلیژا زانستێن مروڤایەتی پشکداربوو د کۆرسەکێ هاڤینێ یێ گەشەپێدانا ئەکادیمی ل زانکۆیا (ڤێشتا) ل ولاتێ ئەلمانیا ئەوێ لژێر ناڤونیشانێ:
(Strengthening Inclusive Education in Iraqi Primary Schools)
ئەڤ کۆرسە هاتبوو ڕێکخستن ژ لایێ زانکۆیا (ڤێشتا) وەک پارچەک ژ کورسێن هاڤینێ یێن ناڤدەولەتی ل دویف بەرنامێن رێکخراوا (DAAD) ژ بۆ پێشئێخستنا شیانێن ئەکادیمی ل سەر پەروەردا گشتگیر یێن ماموستایێن زانکۆیێ ل هەرێما کوردستانێ و عیراقێ.
ئەڤ کۆرسە پێکهاتبوو ژ (١٢) وورکشۆپێن ئەکادیمیێن جودا جودا و (٢) وورکشۆپێن ڕاهێنانان ل سەر پەروەردا گشتگیر و (٤) سەرەدانێن مەیدانی ژبو قوتابخانە و باخچێن زارۆکان یێن گشتگیر.
ئارمانجێن سەرەکی یێن کۆرسی پێشئێخستنا شییانێن وانەگوتنێ ب بابەت و ڕێکێن سەردەمانە و هەوەسا گرێدانا تەکنۆلوژیا سەردەم ب پەروەردا گشتگیرڤە. ئەڤ کۆرسە پێکولێ دکەت تۆرەکا مەزنا ئەکادیمی یا دیجیتالی ئاڤابکت دناڤبەرا ماموستایێن زانکۆیێن هەرێما کوردستانێ و عێراقێ دگەل ماموستایێن زانکۆیێن ئەلمانی یێن جودا جودا ب مەرەم مفا ژ ئێک و دوو وەرگرتن د بیاڤێ ڤەکۆلین و ئالوگورکرنا شیانان.
بابەت و وورکشوپێن کورسی:
- سەرەدەریکرن د گەل هەمەرەنگی و ئەنجامدانا دادپەروەریێ دناڤ قوتابخاناندا.
- فێربوونا هەڤپشک.
- پەروەردا گشتگیر.
- پێشئێخستنا سیستەمێن قوتابخانان.
- ڕێڤەبرنا پۆلان.
- فێرکرنا قوتابیێن خودان پێدڤیێت تایبەت.
- ڕێبازێن وانەگوتنێ یێن ماریا مونتوسووری.
- پێزانین و ڕاستی ل سەر پەروەردا گشتگیر.
- ڕاهێنانێن شیانێن کلتووری.
- سیستەمێ پەروەردەیی (LAYA).