ڕۆژا جیهانییا فیزیکێ ل زانکۆیا زاخۆ هاتە ساخکرن

Published Date: Thursday, 2 March 2023, 00:12

ڕۆژا چارشەمبی ڕێککەفتی (٢٠٢٣/٣/١) لژێر چاڤدێریا سەرۆکێ زانکۆیا زاخۆ بەرێز (د. ناظم سليمان عبدالعزيز) پشکا فیزیا ل زانکۆیا زاخۆ ڕابوون ب ئەنجامدانا چاڵاکیەکێ ب مەرەما ساخکرنا ڕۆژا جیهانییا فیزیکێ.
ب ئامادەبوونا هەر ئێک ژ بەرێزان (پ.هـ.د. دیار عبدالکریم) هاریکارێ سەرۆکێ زانکۆیێ بۆ کارگێری و دارایی و (د. لەزگین عەبدی) و (پ.د. یاسین طە) هاریکارێ سەرۆکێ زانکۆیێ بۆ کاروبارێن زانستی و بەرێز (پ.د. ماهر خالد) ڕاگرێ فەکۆلتیا زانست و دگەلدا ماموستا و فەرمانبەر و قوتابیێن زانکۆیێ، ئەڤ چاڵاکیە بۆ نیشاندانا پرۆژێن قوتابیێن پشکا ناڤبری بوون، کۆ ئەو زانیاریێن ب شێوەیێ تیوری وەرگرتین و پاشان کرینە پراکتیک و پرۆژێن باش دروست کرین، نێزیکی (٥٠) پرۆژێن پڕاکتیکی و (١٠) تیوری ژ بەرهەمێ ماندیبوونا قوتابیان هاتنە نیشاندان، قوتابیێن پشکدار خۆشحالیا خۆ دەربڕین بۆ ئەنجامدانا ڤێ چاڵاکیێ و نیشاندانا بەرهەمێ خواندنا وان یا زانکۆیێ.