لسه‌ر بنەمایێ گشتاندنا ژمارە (17338) ل (2024/9/4)یا وەزارەتا خواندنا بلند و ڤه‌كۆلینێن زانستی تایبه‌ت ب دامەزراندنا وانەبێژان ب شێوێ گرێبەست ل زانکۆ و په‌یمانگه‌هان، ئه‌و بەڕێزێن كو د ده‌مێ سالێن خواندنێ (2019-2020) هه‌تا (2023-2024) ل زانكۆیا زاخۆ وه‌كو وانه‌بێژ كاركرین، پێدڤیه‌ تا دووماهیكا دەواما ڕۆژا ئێكشه‌مبێ ڕێـــککــەفتی (2024/9/8) ڤان پێدڤیێن ل خارێ پێشكێشی ڕێڤه‌به‌ریا كارگێری یا كۆلیژا خۆ بکەن:

1- کارتا نشتیمانی یان ناسناما بارێ شارستانی (ڕەسەن + ئێك دانه‌ کۆپییا ڕەنگاوڕەنگ).
2- باوه‌رنامه‌ (ڕەسەن + ئێك دانه‌ کۆپییا ڕەنگاوڕەنگ).
3- فەرمانا زانکۆیێ یا كاركرنێ ل زانكۆیا زاخۆ، بۆ ده‌مێ دناڤبه‌را ئەو ساڵێن خواندنێ یێن كۆ ل سه‌ری ئاماژه‌ پێ هاتیه‌دان و لیستا ژمێریاری یا وه‌رگرتنا پاره‌یی.

تێبینی:
* ئەو به‌رێزێن حه‌فتیا بووری به‌لگه‌نامێن خۆ پێشكێش كرین پێدڤیه‌ سەره‌دانا زانکۆیێ بكه‌ن و فەرمانا زانکۆیی یا كاركرنا خۆ پێشكێش بکەن و لیستا ژمێریاری یا وه‌رگرتنا پاره‌یی.
* هەروەسا ئەو به‌رێزێن باوه‌رنامێن خو ژ ده‌رڤه‌یی وه‌لاتی بده‌ستڤه‌ئیناین پێدڤیه‌ فەرمانا یەکسانکرنا باوه‌رناما خۆ پێشكێش بکەن (ڕەسەن + ئێك دانه‌ کۆپییا ڕەنگاوڕەنگ).
* پێشكێشكرنا وێنەیەک ژ فەرمانا زانکۆیی یا پێدانا ناسناڤێ زانستی بو ئەو به‌رێزێن كۆ هەڵگرێن باوه‌رناما ماستەر و دکتۆرایێ نه‌.

 به‌روڤاژی هەر به‌رێزه‌كێ د ئه‌ڤی ماوه‌یی دا سه‌ره‌دانێ نه‌كه‌ت ئه‌و بخو دێ به‌رپرس بیت ژ بلندنه‌كرنا ناڤێ وی و زانیاریێن پێدڤی بۆ دیوانا وه‌زاره‌تا خواندنا بلند و ڤه‌كۆلینێن زانستی.

 تێبینی/ ئه‌ڤ ئاگه‌هدارییه‌ ژ ئه‌وان سێ ئێكه‌مان ژی دگریت یێن كۆ پێشتر ل زانکۆیا زاخۆ كاركرین وه‌ك وانه‌بێژ.