وەزیرێ خواندنا بلند: پێشخستنا ڤەکۆلینێن زانستی ژێدەرەکێ بەرفرەهـ یێ گەشەپێدانا هەرێما مەیە.

ڕۆژا چارشەمبی ڕێککەفتی (٢٠٢٣/٥/٣١) ب سەرپەرشتیا بەرێز (د. ئارام محمد قادر) وەزیرێ خواندنا بلند و ڤەکۆلینێن زانستی، کومبوونەک دگەل هەمی ڕێڤەبەرێن دارایی و ژمێریاری یێن زانکۆیێن هەرێما کوردستانێ ل ئاڤاهیێ وەزارەتێ هاتە ئەنجامدان، ژ زانکۆیا زاخۆ بەرێز (م. فەرهاد سالم جەمیل ) ڕێڤەبەرێ ژمێریاری ل سەرۆکاتیا زانکۆیا زاخۆ د ئەڤێ کومبوونێدا پشکداربوو.
هەژییە بێژین؛ ئارمانج ژ ئەڤێ کومبوونێ ئامادەکاری کرنە، بۆ ئامادەکرنا ڕەشنڤیسێ بۆدجەیێ وەزارەتێ و پێدڤیاتیێن زانکۆیێن هەرێما کوردستانێ.
جەنابێ وەزیری زانکۆ ڕاسپاردن، کۆ ئەو د پرسێن دارایی و بودجەییدا هەماهەنگ و هاریکاربن، بۆ هندێ بشێن هژمارەکا زۆر یا پرۆژە و بەرنامەیان بۆ زانکۆیان و وەزارەتێ جێبەجێ بکەن، گوت ژی: پاکژیا ئەکادیمی چەند بۆ وەزارەتا مە ئالیەکێ ستراتیژی و گرنگە و ب هەمان شێوە پاراستانا پاکژیا دارایی خالەکا گرنگ و ستراتیژییا وەزارەتا مە بوویە و هەمی دەمان مە کار ل سەر کریە.