د نویترین وەشانا ڕێزبەندیا زانکۆیێن جیهانی، کۆ وێبسایتێ کلاریڤێت  (Clarivate) بۆ سایتێشنا ل وێبساینس (WoS: Clarivate Analytics) ئەنجامدایی، زانکۆیێن حکومى و تایبەت یێن هەرێما کوردستان ل سەر ئاستێ عێراق و وەڵاتێن دەڤەرێ و جیهانێ، پێنگاڤ و دەستکەفت و بەرەڤ پێشچوونێن گرنگ تۆمار کرینە.
د ئەوێ ڕێزبەندیێدا، کۆ ڕۆژا ئەینیێ ڕێــککـــەڤتی ٣١-٥-٢٠٢٤ هاتیە بەڵاڤکرن، تایبەتە ب بەرهەمێن زانکۆیان دناڤبەرا ساڵێن (٢٠١٩-٢٠٢٣).
ل سەر ئاستێ هەرێما کوردستانێ ناڤێ (١٥) زانکۆیان تێدا هاتیە تومارکرن، کۆ (١٠) زانکۆیێن حکومی و (٥) زانکۆیێن تایبەت، د دەمەکێدا د وەشانێن بەریا نها بتنێ ناڤێ (١٣) زانکۆیان تێدا هەبوو.
هەژیە بێژین؛ زانکۆیا زاخۆ  د ئەڤێ ڕێزبەندیێ دا، شیایە ڕێزا (٧)ــێ ل سەر ئاستێ زانکۆیێن حکومی ل هەرێما کوردستانێ و ڕێزا (٢٠)ــێ ل سەر ئاستێ  زانکۆیێن حکومی ل عێراقێ وەربگریت.
بۆ زانین؛ ئەڤە جارا ئێكێ یە زانكۆیا زاخۆ پشکداری ئەڤێ ڕێزبەندیێ دبیت.
پیرۆزبیت ئەڤ دەستکەفتە ل هەمی ستاف و قوتابێن زانکۆیا زاخۆ .