ل ڕێكه‌فتى 10 / 06 / 2021 ستافه‌ك ژ زانكۆیا زاخۆ كو پێهاتبوون ژ پروفیسورێ هاریكار د. دیار مایى، ڕێڤه‌به‌رێ سه‌نته‌رێ زانستێ ماددان و نانوته‌كنولوجیایێ ل پشكا فیزیكێ و هێژا  م. وصفیه‌ على منیر، مامۆستا ل پشكا فیزیكێ، سه‌ره‌دانا ( Leibniz Institut   für Analytische  Wissenschaften - ISAS )  ل باژێرێ دورمتوند / ئه‌لمانیا كرن .

ئه‌ڤ سه‌ره‌دانه‌ ب پشته‌ڤانیا ڕێكخراوا ئه‌كادمییا داد (DAAD) یا ئه‌لمانى بوو كو ب كوژمێ 200 ملیون یورویان بۆ ماوێ دووسالان، ئه‌ڤ پاره‌ دناڤ به‌رنامه‌یێ هه‌ڤكارییا ئه‌لنانیا - عیراق دا رازیبوون لسه‌ر هاتیه‌ كرن ژ لایێ رێكخراوا DAAD ڤه‌ بۆ سالا خواندنێ 2020 - 2021 .ئارمانجا ڤێ پروژه‌ى ده‌ستپێكرنا تێكه‌لیێن ڤه‌كولینانه‌ دناڤبه‌را بسپۆرێنپه‌یمانگه‌ها (Leibniz Institut für Analytische  Wissenschaften - ISAS ) دورتموند ل ئه‌لمانیا و سه‌نته‌رێ زانستێ ماددان و ته‌كنولوجیێ ل پشكا فیزیك / فاكولتیا زانست / زانكویا زاخو. ئه‌ڤ پاره‌ ژ ئه‌نجامێ سه‌ره‌دانا پروفیسورێ هاریكار د.دیار مایى ڕێڤه‌به‌رێ سه‌نته‌رێ نانو بۆ (Leibniz Institut   für Analytische  Wissenschaften - ISAS ) دورتموند ل ئه‌لنانیا ل ڕێكه‌فتى 09 / 09 /2019 هاتیه‌ ب ده‌ستڤه‌ئینان.

هه‌ژییه‌ بێژین، كو په‌یمانگه‌ها ناڤبرى په‌یمانگه‌هه‌كا ئه‌لمانى یا شروڤه‌كارى یا پێشكه‌فتیه‌ وده‌ركه‌فتنێن به‌رچاڤ هه‌نه‌ د ژینگه‌هه‌كا ناڤ نه‌ته‌وه‌ى یا چالاك، هه‌ڤكارى و پشتگریییا گرێدانا وه‌لاتان ب وه‌لاتێن پێشكه‌فتى ڤه‌. هه‌ڤكارێ مه‌ یێ ئه‌لمانى بسپوره‌ ب بسپورییا نانو ته‌كنولوجیێ دگه‌ل بایولوجیا -پزیشكى. د ماوێ دووسالێن به‌رنامه‌یێ د.دیار مایى بۆ دكتورایێ و ماسته‌رێ. مامۆستا وصفیه‌ على منیر لسه‌ر پێشئێخسنت و باشرتكرنا سیسته‌مێ ب ناڤێ له‌رزینێن ڕوویێ پلازمایى

(SPR) كاردكر ئه‌وێ ب شێوه‌كێ گشتى دهێته‌ بكارئینان بۆ دیاركرنا ڤایروس، به‌كتریا و گه‌ردێن پروتینان. ڕابین ب دیزاینكرنا سیسته‌مێ (SPR) و چێكرنا chips تایبه‌ت بۆ سیسته‌مێ (SPR)ى. ئه‌وێ بهێته‌ بكارئینان د پراكتیكێن بایو - پزیشكى دا. هێژایێ گووتنێ یه‌ ئه‌ڤه‌ بۆ جارا پێنجێ یه‌ كۆ د.دیار مایى ب هه‌ڤكاریێن جودا جودا ڤى به‌رنامه‌ى ب ده‌ست ڤه‌ دئینیت.