ل زانکۆیا زاخۆ دووەمین پێشانگەها کاری ب ڕێڤە چوو

ئەڤرۆ ڕۆژا دووشەمبێ ڕێکەڤتی ٢٥/١٠/٢٠٢١ ل ژێر چاڤدێریا بەرێز (پ.د.ناظم سليمان عبدلعزيز) سەرۆکێ زانکۆیا زاخۆ، و ب ئامادەبوونا بەرپرسێن حکومی و نوینەرێن حزبی، نوینەرێن کۆمپانی و ڕێکخراوان دوومین پێشانگەها کاری ل زانکۆیا زاخۆ ب ڕێڤەچوو.

د ئەڤێ پێشانگەهێ دا پەنەڵەکێ تایبەت و ڤەکری ژ ئالیێ بەڕێزان (د.احمد صار ئەندامێ بەری نها یایێ پەرلەمانێ عێراقێ، عبدلسلام مدنی ڕێڤەبەرێ گشتی یێ دەزگەهێ رەوانگە، د. شڤان احمد جێگرێ سەرۆکێ زانکۆیا نەورۆز، مازن سیروان رێڤەبەرێ پەیوەندی و دیجیتال ل کۆمپانیا کۆرەك تلیکۆم) هاتە پێشکێشکرن و چەندین بابەتێن جودا جودا ل سەر بەرپرسایەتیا (گەنج، زانکۆ، کەرتێ تایبەت) ژبۆ دامەزراندنێ هاتنە باسکرن، پاشان ژ لایی بەرپرسێن ئامادەبووی پێشانگەها کاری هاتە ڤەکرن، و قوتابی و دەرچوویێن بەشداربووی ل دویڤ حەزا خوە (CV) یێن خوە پێشکێشکری کۆمپانی و ڕێکخراوان کرن.

دووەمین پێشانگەها کاری ژ لایێ سەنتەرێ گەشەپێدان بۆ کاری یێ زانکۆیا زاخۆ، و ب هەماهەنگیا دەزگەهێ رەوانگە و ڕێکخراوا (NRC) هاتبوو ڕێکخستن و تێدا نێزیکی (٩٠) کۆمپانی و ڕێکخراو ل سەر ئاستێ هەرێما کوردستانی بەشداربوون، ئارمانج ژ ڤەکرنا ڤێ پێشانگەهێ ئەو بوو دەلیڤێن کاری بۆ دەرچوویین زانکۆ و پەیمانگەهان برەخسینیت.