ل ڕۆژا ئێكشه‌مبێ ڕێكه‌ڤتى 28/11/2021 و چواره‌م ڕۆژا هه‌لمه‌تا سالانه‌ یا به‌رهه‌نگاربوونا توندوتیژیێ دژى ژنان كۆنفرانسێ ( یه‌كسانییا جێنده‌رناسى و ستراتیژیه‌تا بهێزكرنا پێگه‌ها ژنێ ل هه‌رێما كوردستانێ) ب ئاماده‌بوونا سه‌رۆكێ هه‌رێما كوردستانێ رێزدار (نێچیرڤان بارزانى) و چه‌ندین كه‌سایه‌تى و سیاسه‌تمه‌دار و ره‌وشه‌نبیر و چالاكڤانێن ژن بڕێڤه‌چوو.

زانكۆیا زاخۆ ژى بێبه‌ش نه‌بوو ژ ئه‌ڤى كۆنفرانسى كو ماموستا (نازدار عارف) ڕێڤه‌به‌را سه‌نته‌رێ یه‌كسانییا جێنده‌رى ل زانكۆیا زاخۆ پشكدار بوو د ئه‌ڤى كۆنفرانسیدا وه‌ك نوینه‌را زانكۆیا زاخۆ. هه‌ژییه‌ بێژین  ئه‌ڤ كرنفرانسه‌ ژلایێ زانكۆیێن (دهۆك- سه‌لاحه‌دین- سلێمانى- كوردستان) هاتبوو رێكخستن و ب ئاماده‌بوونا زێده‌تر ژ 400 كه‌سان بۆ ماوه‌یێ 8 ده‌مژمێرا به‌رده‌وام بوو.