ئەڤرۆ ڕۆژا ئێکشەمبێ ڕێکەفتی (٢٠٢٢/٦/١٢) سەرۆکێ زانکۆیا زاخۆ بەرێز (پ.د ناظم سليمان عبدالعزيز) بەشداری کومبوونا ئەنجومەنێ وەزارەتا خواندنا بلند دگەل تیما بلند یا سەرۆکاتیا ئەنجومەنێ وەزیرێن هەرێما کوردستانێ بوو. وەزیرێ خواندنا بلند و ڤەکۆلینێن زانستی بەرێز (د. ئارام محمد قادر) ڕاگەهاند: پشتی بوورینا سێ ساڵان ژ تەمەنێ کابینەیا نەهێ یا حکومەتا هەرێما کوردستانێ دەم هاتیە هەڵسەنگاندنێ بۆ ئەوان هەمی کارا بکەین یێن هاتینە دیارکرن ل کابینەیا نەهێ یا حکومەتا هەرێما کوردستانێ، هەروەسا گوت ژی سەرەرایی بەڵاڤبوونا ڤایرۆسێ کۆرۆنایێ، بەلێ ب پشتەڤانیا تیمێ حکومەتێ و فەرمانبەر و قوتابیان ئەم شیان بەردەوامیێ ب خواندنێ بدەین ل هەرێما کوردستانێ و سەرەرایی کێشە و ئالوزیان. د ئەڤێ کومبوونێدا سەرۆکێ دیوانا ئەنجومەنێ وەزیران بەڕێز (د. ئومێد صباح) خۆشحالیا خۆ دەربری بۆ ئەڤێ کومبوونێ، د هەمان دەمدا پشتەڤانیا خۆ دوپاتکر بۆ پتر گەشەپێدانا کەرتێ خواندنا بلند ل هەرێما کوردستانێ، هەروەسا باس ل هەماهەنگیەکا بەردەوام دناڤبەرا وەزارەتا خواندنا بلند و ڤەکۆلینێن زانستی و دیوانا ئەنجومەنێ وەزیران. د بەشەکێ دی یێ کومبوونێدا ئامادەبوویان تێبینیێن خۆ سەبارەت هەماهەنگیێ و کارێ هەڤبەش دانە دیارکرن.
