ل ڕێککەڤتی ٣١/٨/٢٠٢٢ ل دویڤ داخوازا سەنتەرێ ژین یێ ئوتیزمێ ڕێڤەبەرا سەنتەرێ گەشەپێدان بۆ کاری ل زانکۆیا (م. بێریڤان محمد احمد) و ڕێکخەرێ سەنتەری ل فەکۆلتییا پەروەردە و سەرپەرشتێ قوتابیێن پشکدار د پروگرامێ ڕاهێنانێن شیانا دا ل سەنتەرێ ژین یێ ئوتیزمێ (م. قەهرەمان نوری زینل) سەرەداناسەنتەرێ ناڤبری کرن پشتی کو هاتینە داخوازکرن ژلایێ سەنتەری ڤە.
ڕێڤەبەریا سەنتەرێ ژین یێ ئوتیزمێ خوشحالی و ڕەزامەندیا خۆ دەربرین بەرامبەر کار و چالاکیێن قوتابیێن پشکدار د پروگرامێ ڕاهێنانێن شیانادا. د هەمان دەمدا ڕێڤەبەرا سەنتەرێ ژین یێ ئوتیزمی دوپاتی ل هندێ کر کو هەر دەلیڤەکا کاری هەبیت قوتابیێن زانکۆیا زاخۆ دێ مفادار بن ژێ.
ل دوماهیێ ڕێڤەبەرا سەنتەری باوەرنامەکا ڕێز و سوپاسیێ پێشکێشی ڕێڤەبەرا سەنتەرێ گەشەپێدان بۆ کاری کر و دەستخوشی ل کارێ وان کر.
